O’Connell: Një ish ministër më erdhi në shtëpi për ‘Taken’, tha qe çfarë filma po bëjnë për shqiptarët

Ambasadori i Britanisë së Madhe, Ruairi O’Connell ka thënë se në Kosovë dhe Shqipëri bëhet kontrabandë droge dhe shumë krime të tjera.

Ai gjithashtu gjatë diskutimit në forumin “Fol Hapur” tha se gjatë një takimi me një ish-ministër kosovar në Londër i kishte folur edhe për filmat që po bëhen kundër shqiptarëve.

Konkretisht ai tha se kanë diskutuar për filmin“Taken”, cili i paraqet shqiptarët si kriminel.

“Erdhi një shok nga Kosova, ish-ministër edhe u ankua tek unë në shtëpi për rreth 20-25 minuta për filmin “Taken” që është racist kundër shqiptarëve, duke thënë se është mashtrim. Edhe pyetja ime ka qenë pse mendoni që regjisorët e skenaritët i urrejnë shqiptarët, a janë serbët a janë martu me serbët a çka është puna. Ata nuk dinë asgje për shqiptarët, për Ballkan a këto gjëra”, tha ambasadori.

O’Connell tha se të dhënat për këtë film, skenaristët dhe regjisorët i kanë marrë nga policia, pasi ata nuk dinë asgjë për shqiptarët.

“A e dini ju si e kanë bërë ata filmin “Taken”. Kanë shku në polici edhe kanë pyet, e kemi një film shumë të mirë me aktor Liam Nelson, vajza e tij kindapohet, a na tregoni kush janë ata që kindapojnë në Evropë dhe policia ka thënë se janë shqiptarët”, shpjegoi O’Connell.

Ai shtoi se fakti se ata shihen si të tillë nuk beson se shqiptarët janë kriminel.

“Nuk do me thënë që shqiptarët janë kriminel, nuk e besoj as nuk e beson askush sepse nuk është e vërtetë. Kjo do me thënë që kontrabandimi i drogave e shumë krimeve të tjera janë bërë me grupacione prj Shqipërisë dhe Kosovës, sepse kanë bazë e sigurt në këtë pjesë të Evropës ku mund të bëjnë investime e askush nuk i prek”, përfundoi ambasadori i Britanisë së Madhe në Kosovë.