Na quajti ‘njerëz që sa kanë zbritë prej malit’: Kush është kryeministrja lezbike e Serbisë me origjinë kroate?

Një deklaratë e kryeministres serbe, Ana Bërnabiq na rikujtoi racizmin e viteve ’90 që derdhej pa kursim ndaj shqiptarëve të Kosovës nga liderët serbë.

Bërnabiq deklaroi që “Serbia është racionale ndërsa shqiptarët e Kosovës bukfalisht veç sa kanë zbritur nga mali; për ta s’ka lidhje se a do të ketë luftë apo jo, dhe kjo më frikëson.”

Këto deklarata u komentuan nga analisti politik, Agon Maliqi, i cili i habitur tha se kryeministrja serbe ishte treguar plotësisht raciste ndër sy të zyrtarëve të BE-së.

“E njëjta mendësi naziste/kolonialiste dhe dehumanizuese që shkaktoi gjenocid nëpër vendet e ish-Jugosllavisë. Kësaj here në një paketim progresiv.” – tha ai.

Por, kush është Ana Bërnabiq, kryeministrja e parë e hapur lezbike në historinë e politikës serbe?

Ajo është katërdhjetë e tre vjeçare, e lindur në Beograd me origjinë kroate. Paraprakisht ajo kishte qenë ministre e Administratës Publike dhe e Vetëqeverisjes Lokale në Serbi.

Në vitin 2018, Bërnabiq u rangua si gruaja e 91 më e fuqishme në botë nga revista Forbes, shkruan Periskopi.

Ajo kishte bërë shumë bujë kur në një intervistë në vitin 2018 për Deutsche Welle, e kishte mohuar se Serbia kishte kryer gjenocid ndaj boshniakëve në Srebrenicë.

Në muajin shkurt, ajo u bë nënë pasi gruaja e saj e lindi një djalë të cilën e quajtën Igor. /Periskopi