Mustafa me deputetë dakordohet që ta rrëzojnë Haradinajn sa më shpejt

‘Po është diskutuar për mocionin ndaj Qeverisë’, ka thënë Gashi.

Ndërsa më vonë, në një kumtesë për media, LDK ka dhënë më shumë detaje nga takimi.

‘’Në takim u bisedua dhe u dakordua për veprimet e nevojshme për të proceduar me mocionin e mosbesimit ndaj Qeverisë. U vlerësua se është në interesin e Kosovës që sa më parë vendi të ketë një Qeveri normale’’.

‘’Kryetari Mustafa dhe deputetët e LDK-së vlerësuan se korrupsioni i lartë, papunësia, nepotizmi dhe ikja e njerëzve nga Kosova janë dëshmitë më të mira se vendit i nevojitet qeveri e re e përgjegjshme’’.

Tutje nga LDK thuhet se në ditët në vazhdim do të dakordohen rreth kësaj çështjeje.

‘’Në ditët në vijim LDK dhe grupi parlamentar do të zhvillojnë takimet e nevojshme me grupet e tjera parlamentare për të dakorduar hapat që do të ndërmerren’’.

Kujtojmë që rrëzimin e Qeverisë Haradinaj po e mbështet Lëvizje Veteëvendosje dhe Partia SocialDemokrate.

Lista Serbe, me votat e së cilës ishe krijuar kjo Qeveri janë shprehur po ashtu të gatshëm ta heqin nga fronti Haradinajn, por numrat e tyre nuk po i pranon opozita./PERISKOPI/