8 orë më parëMustafa ia thotë ambasadorit francez se nuk bëhet pjesë e dialogut: Duam zgjedhje
Periskopi(7 vite më parë)
(7 vite më parë)Kryetari i Lidhjes Demokratike të Kosovës, Isa Mustafa, ka pritur sot në një takim ambasadorin e Francës në Kosovë, Didier Chabert. Nëpërmjet një komunikate për media bëhet e ditur se Mustafa e njoftoi ambasadorin francez për qëndrimin e LDK-së mbi temat kyçe dhe zhvillimet politike në Kosovë. Ai ka thënë se, qëndrimi i LDK-së për […]
Nëpërmjet një komunikate për media bëhet e ditur se Mustafa e njoftoi ambasadorin francez për qëndrimin e LDK-së mbi temat kyçe dhe zhvillimet politike në Kosovë.
Ai ka thënë se, qëndrimi i LDK-së për dialogun me Serbinë është i qartë duke shtuar se kufijtë e Republikës së Kosovës, mbi të cilët është shpallur pavarësia më 17 shkurt 2008 dhe mbi të cilët mbi 100 shtete e kanë njohur shtetin e Kosovës, janë të panegociueshëm.
“LDK nuk do të bëhet pjesë e grupit negociator sepse negocimi i marrëveshjeve ndërkombëtare është detyrë dhe obligim i Qeverisë së Kosovës. Dialogun duhet ta udhëheqë një qeveri me përkrahje të gjerë në Kuvend, prandaj LDK kërkon që vendi të shkoj në zgjedhje të parakohshme që janë jetike dhe të pashmangshme”, thuhet në komunikatë.
Ambasadori Chabert vlerësoi rolin konstruktiv të LDK-së në proceset shtetformuese në Kosovë këto tri dekada.
“Ambasadori Chabert njoftoi kryetarin Mustafa për një delegacion franko-gjerman që do të vizitojë Kosovën së shpejti për të diskutuar me akterët kryesorë politik para takimit të Parisit. Mustafa shprehu kënaqësinë që LDK të pret në takim këtë delegacion”, thuhet në komunikatë.
