7 orë më parëMinistria e Mbrojtjes sqarohet për Periskopin: S’jemi duke e ndjekur ariun në Prizren
Periskopi(7 vite më parë)
(7 vite më parë)Ka disa javë që banorët e fshatrave të Prizrenit janë alarmuar nga një Ari i Murrmë, i cili po ua rrezikon jetën atyre dhe po ua mbyt bagëtitë. Deri më tani, askush s’po mundet ta gjejë lokacionin e tij. E, për këtë së fundmi ndihmë ka ofruar edhe Forca e Sigurisë së Kosovës, meqë gjatë […]
Forca e Sigurisë së Kosovës para disa ditëve ka thënë se i është përgjigjur pozitivisht një kërkese të bërë për të mbrojtur qytetarët dhe pasuritë e tyre nga Ariu i Murrmë që është shfaqur së fundmi në Prizren – shkruan Periskopi.
Periskopi ka kontaktuar me Ministrinë e Mbrojtjes dhe i kanë thënë se FSK’ja nuk ka marrë asnjë detyrë dhe asnjë angazhim konkret për ndjekjen dhe kapjen e ariut.
“FSK-ja nuk ka marrë asnjë detyrë dhe angazhim konkret për ndjekjen e ariut dhe as kapjen e tij”, ka thënë Ibrahim Shala për Periskopin, i cili është drejtor për Marrëdhënie me Publikun në Ministrinë e Mbrojtjes.
Forca e Sigurisë së Kosovës ka njoftuar të dielën se kanë ofruar ndihmë për menaxhimin e situatës së sigurisë për banorët e fshatit Pouske të komunës së Prizenit, pas sulmeve të ariut të murrmë në këtë fshat.
Agjencioni për Mbrojtjen e Mjedisit në Kosovë kishte njoftuar se pas shqetësimeve të banorëve të fshatit Pouske të Prizrenit, Ministria e Mjedisit ka emëruar një komision për vlerësimin e masave që duhet ndërmarrë për të mbrojtur banorët.
“Në kuadër të këtyre vlerësimeve dhe masave MMPH/AMMK ka kontaktuar me shumicën e institucioneve relevante që mundë të ofrojnë ndihmë dhe përkrahje në gjetjen e një zgjedhje të përshtatshme për këtë rast. Meqenëse ky rast ndërlidhet me sigurinë e qytetarëve të cilët kanë ankesa të vazhdueshme se u rrezikohet jeta dhe kanë pësuar dëme të pasurisë së tyre, MMPH/AMMK ka kërkuar ndihmë dhe bashkëpunim edhe nga Forcat e Sigurisë së Kosovës. FSK i është përgjigjur pozitivisht kësaj kërkese dhe sot një ekip nga njësia ndërlidhëse e FSK për reagim në rastet e krizave së bashku me disa anëtarë të komisionit të formuar nga MMPK/AMMK, kanë dalë në vendin e ngjarjes”, thuhej në njoftim të kësaj agjencie në Facebook.
Njësia e FSK-së kishte vizituar lokacionin dhe është takuar me banorët e fshatit që kanë pësuar dëme nga ariu. Ndryshe, ariu i shfaqur në Prizren ka rrezikuar sigurinë e qytetarëve të cilët janë ankuar vazhdimisht se po u rrezikohet jeta dhe kanë pësuar dëme të pasurisë së tyre./Periskopi/
