Me zgjedhjet e fundit, Spanja bëhet lojtar kryesor në BE

Buzëqeshja e Pedro Sanchezit me të cilën e kremtoi fitoren e partisë së tij në zgjedhjet evropiane të së dielës nuk është zbehur kur e mori edhe një herë tjetër detyrën.

“Tash në Elysee, me Emmanuel Macronin, presidentin e Republikës së Francës, që të analizojmë rezultatet e zgjedhjeve të parlamentit Evropian dhe të shkëmbejmë idetë për punët në institucionet Evropiane dhe për agjendën strategjike të BE-së prej 2019 deri më 2024,” ka postuar ai në Twitter.

Më pas erdhi dreka me Macronin dhe kryeministrat e Belgjikës, Holandës dhe Portugalisë, dhe më pas një takim me Angela Merkelin, kancelaren gjermane, raporton Periskopi nga The Guardian.

Kjo është fitorja e dytë elektorale në më pak se një muaj për liderin e ri të sapokonfirmuar të partisë më të madhe socialdemokrate në parlamentin evropian. Kryeministri spanjoll tashmë do të marrë një ulëse në tavolinën e lartë të politikave kontinentale.

Edhe pse ishte mes vendeve më pro-evropiane në bllok, Spanja nuk ka mundur ta vendos veten si lojtar kyq deri më tash. Në kohën e paraardhësit të Sanchezit, Mariano Rajoy, vendi iberik dukej indiferent ose i shpërqendruar.

“Kanë kaluar shumë vjet qëkur Spanja ka luajtur rol aktiv në çështjet Evropiane,” tha Irene Lozano, shefja e Spanjës Globale, një njësi qeveritare e funksionalizuar me projektimin dhe ngritjen e imazhit të vendit.

Por ajo deklaron se Sanchezi tashmë po bën përpjekje për një tjetër rol. /Periskopi