Kurti kundër Tribunalit me një rrebesh rimash: E kemi kontekstin, e kemi pretekstin por nuk e kemi tekstin (Video)

Kryetari i Vetëvendosjes Albin Kurti ka recituar në Kuvendin e Kosovës teksa është shprehur skeptik për themelimin e Tribunalit Ndërkombëtar. Ai nuk e sheh këtë ide lehtë të realizueshme dhe thotë se është një hap që do të merrte shumë kohë.

“Në këtë situatë ndodhemi si pasojë e idesë së kryetarit të Kuvendit dhe shefit të PAN për Tribunal për gjenocidin e Serbisë. Pra e kemi edhe kontekstin, e kemi edhe pretekstin por nuk e kemi tekstin. Se si ecet më tutje, askush nuk e di. Edhe nëse do të ishte e mundur të themelohet një Tribunal ndërkombëtar, kush e di edhe sa kohë merr themelimi i tij. Pra kur thua Tribunal Ndërkombëtar, nuk do të thotë të ngutesh, përkundrazi do të thotë të mos ngutesh. Ideja për Tribunal është hap i ngadaltë. Ne duhet të ecim më shpejt”, ka thënë ai./Periskopi/