3 orë më parëIrani tërhiqet nga marrëveshja nukleare: 60 ditë kohë ose fillohet me pasurimin e uraniumit
Periskopi(7 vite më parë)
(7 vite më parë)Irani ka thënë që po tërhiqet nga “disa angazhime” të bëra nën marrëveshjen ndërkombëtare nukleare, dhe do të vazhdojë të pasurojë uraniumin brenda 60 ditëve nëse marrëveshja e re nuk arrihet. Presidenti Hassan Rouhani tha se i kishte informuar fuqitë botërore që ende e mbështesin marrëveshjen, por po ashtu edhe Rusinë. Njoftimi i tij erdhi […]
Presidenti Hassan Rouhani tha se i kishte informuar fuqitë botërore që ende e mbështesin marrëveshjen, por po ashtu edhe Rusinë.
Njoftimi i tij erdhi në një fjalim direkt në përvjetorin e vendimit të Donald Trumpit për ta tërhequr ShBA-në nga marrëveshja në fjalë, që prej atëherë ka ndërmarrë sanksione të reja e të ashpra ndaj Iranit, përcjell nga Independent, Periskopi.
Z.Rouhani deklaroi se ai donte të negocionte kushte të reja me partnerët e mbetur në marrëveshje, por e pranoi se situata ishte e rëndë.
“Ky veprim po ndërmerret që të shpëtohet marrëveshja, e jo të shkatërrohet,” tha ai.
Marrëveshja që u nënshkrua më 2015, i hiqte Iranit shumë sanksione ndërkombëtare në këmbim me kufizimin e programit të saj nuklear. Ishte nënshkruar nga Mbretëria e Bashkuar, Kina, BE-ja, Franca, Gjermania, Irani dhe ShBA-të. /Periskopi
