5 orë më parëI merret goja Hajredin Kuqit: Shpreh dëshirën e fshehtë se kush duhet të jetë kryetar i PDK-së
Periskopi(7 vite më parë)
(7 vite më parë)Dikur Hajredin Kuqi ishte ndër figurat kryesore të Partisë Demokratike të Kosovës [PDK], por që tanimë është margjinalizuar aq shumë sa emri i përmendet më rrallë se ndonjë senzacioni të vogël medial, siç është së fundi “Ariu i Murrmë”. Por, Kuqi sot bëri një gabim të tmerrshëm duke ia ngatërruar emrin shefit të partisë së […]
Dikur Hajredin Kuqi ishte ndër figurat kryesore të Partisë Demokratike të Kosovës [PDK], por që tanimë është margjinalizuar aq shumë sa emri i përmendet më rrallë se ndonjë senzacioni të vogël medial, siç është së fundi “Ariu i Murrmë”.
Por, Kuqi sot bëri një gabim të tmerrshëm duke ia ngatërruar emrin shefit të partisë së tij, Kadri Veselit.
Në vend të ‘Kadri Veseli’ ai bëri thirrje që kryeministër i ardhshëm të bëhej “Hashim Veseli”.
Nga doli emri Hashim? Padyshim, nga nënvetëdija e z.Kuqi, i cili njëherë e një kohë si kryetar e kishte presidentin aktual, Hashim Thaçin.
Ai e bëri këtë gabim në një tubim në Prishtinë, ku tha se ‘PDK-ja do të ndihej rehat kur ta fitonte Prishtinën’.
Kjo ‘marrje goje’ njihet ndryshe edhe si ‘rrëshqitje frojdiane’ [ang.freudian slip] dhe i referohet gabimeve të paqëllimshme që zbulojnë dëshira të caktuara të nënvetëdijshme.
E çfarë dëshire të nënvetëdijshme shpreh z.Kuqi në këtë rast? Ndoshta që, Hashim Thaçi në të vërtetë të ishte sërish kryetar i partisë. /Periskopi
