Hoti i përgjigjet Haradinajt me të njëjtin fjalor: Ti i pate shti veshët në lesh kur ne folshim për ndarje

Hoti tha se gjatë kohës kur LDK-ja me veprimet e saj fliste kundër ndarjes së Kosovës, Haradinaj “I kishte “shti veshët në lesh”.

“Thaçi, me idenë për korrigjim të kufijve, sot Kryeministri do ta kishte festuar marrëveshjen me Presidentin. Por, Haradinaj vetë i kishte “shti veshët lë lesh” dhe nuk e ka dëgjuar refuzimin e LDK-së, sepse e ka pasur kusht për t’u bërë kryeministër që dialogun t’ia lë Thaçit, kryetarit de facto të PDK-së. Haradinaj nuk ka guxuar nga PDK-ja ta përkrahë rezolutën e LDK-së dhe partive tjera opozitare në mbrojtje të sovranitetit e integritetit territorial të Kosovës. E tani rrah gjoks si kundërshtar i shkëmbimit të territoreve. E gjithë Kosova e di se Haradinaj nuk e ka problem të ndërroj qëndrime, në shkëmbim të favoreve për të ardhur e për të qëndruar në pushtet. E ka vulosur me demarkacionin”, shprehet Hoti.

Hoti ka rënditur argumentet në kronologji, se cilat kanë qenë veprimet e LDK-ës sa i përket kësaj çështje.

“Në prill 2018, LDK-ja i ka kërkuar Kryeministrit të mos i shmanget detyrimit të tij kushtetues për ta udhëhequr dialogun. Ai ka bërë të kundërtën, duke e miratuar një rezolutë në Qeveri ku ia barte Presidentit udhëheqjen e dialogut. LDK-ja e kundërshtoi ashpër atë rezolutë dhe, si rezultat, ajo asnjëherë nuk u nxjerr në diskutim në seancë të Kuvendit”, shkruan Hoti.

Hoti përmendi edhe rezolutën er dorëzuar në Kuvendin e Kosovës në shtator të vitit 2018, e cila kishte vetëm një pikë ku thuhej se territory i Kosovës ishte i panegociueshëm, ndërsa thekson se kjorezolutë është ende në rend dite si pikë e mbëtur pezull.

“Në shtator 2018, LDK-ja bashkë me pjesën tjetër të opozitës, e propozuan një rezolutë në Kuvend me një pikë të vetme, se territori i Kosovës është i panegociueshëm dhe se askush nuk mundet të dialogojë për territorin e Kosovës. Kryeministri me partinë e tij, si dhe Nisma, nuk kishin guximin ta votojnë këtë rezolutë. Kjo rezolutë është ende në rend dite të Kuvendit si pikë e mbetur pezull. Të mërkurën që vjen do të jetë vazhdimi i të gjitha seancave të mbetura të hapura, dhe AKK e Nisma e kanë mundësinë të votojnë këtë resolute” shkruan ai.

Kësaj liste shefi I grupit parlamentar të LDK-ës ia shtoi edhe letrat dërguar ministrave të jashtëm, Partive Popullore Evropiane, ambasadorëve e delegacioneve ku shprehej qëndrimi kundër ndryshimit të kufijve.

“Në shtator 2018, LDK-ja ju ka dërguar letra ministrave të jashtëm të vendeve anëtare të BE-së dhe Partive Popullore Evropiane (EPP), sikurse edhe ambasadorëve dhe delegacioneve që kanë vizituar Kosovën, LDK-në dhe Grupin Parlamentar, në të cilat letra ne kemi shprehur qëndrimin e qartë kundër ndryshimit të kufijeve”, shprehet Hoti.