Gjinekologja kosovare i kundërpërgjigjet Bërnabiqit: Unë që vija nga mali kisha notën më të lartë gjatë studimeve në Beograd

Gjatë ditës së djeshme, Kryeministrja e Serbisë, Ana Brnabiq në një konferencë shtypi të mbajtur në Beograd për zhvillimet e fundit në raportet mes Kosovës dhe Serbisë, ofendoi rëndë kosovarët duke thënë “keni punë me njerëz të cilët faktikisht kanë dalë nga mali”.

Ditën e sotme ka reaguar edhe  gjinekologja e njohur nga Suhareka, Drita Kabashi, e cila studimet i ka kryer pikërisht në Beograd, me nota siç thotë ajo më të larta se vet serbët.

Postimi i plotë:

“Kryeministrja e Serbies i paska thene shefes se delegacionit te BE se Kosovaret “vijnë nga mali”.
Më erdhi shumë keq dhe po më vie edhe më keq, që më duhet tani unë t’i tregoj Kryeministres disa nga Notat 10-she të mijat gjatë studimeve në Beograd, bile t’i them edhe këtë se sa herë jemi pyetur bashkë me qytetarët e saja gjithmonë kam marrë unë që vija nga mali notën më të lartë..
Edhe sot, gjithmonë me keqardhje, lirisht mund të nisem nga mali dhe të vijë znj.Kryeministre në çdo qytet tëndin të ballafaqohem me çdo gjinekolog në Serbi e ta shofim cili po merr noten më të lartë”, ka shkruar Drita Kabashi në Facebook, duke publikuar kështu dhe dëshmi të notave të marra gjatë studimeve.