Gjenerali nga Iowa tregon a e kishte anuluar vizitën në Kosovë shkaku i taksës

Orr ka thënë se anulimi i vizitës së tij nuk është bërë për shkak të taksës, por për shkak se muajve të fundit është përqendruar më shumë në procesin e pensionimit.

“Ka qenë koha për mua ta fillojë këtë ndryshim. Jam përqendruar që pensionimin ta bëjë si duhet. Nuk kam dashur të ketë vajtje ardhje më të shpeshta, e të përgatitem për pensionim. Unë jam ushtarak dhe si i tillë jam i përkushtuar ta bëjë atë që duhet. Mundohem të mos futem në rrugën e politikës, por vetëm çka bëjnë ushtarët”, ka thënë Orr.

Tutje, ai ka thënë se vendi i tij kohëve të fundit është përballur edhe me fatkeqësi natyrore të papritura, andaj edhe kanë ndryshuar agjendat.

“Kemi pasur edhe fatkeqësi natyrore dhe kemi ndryshuar agjendat. Është mirë që kam qenë pjesë e lajmeve, dhe dikush e paska bë shumë të madhe. Kemi shumë tregime me thanë, sepse çdo javë kemi shkëmbime për shkollim, biznes e të tjera me FSK’në”, ka shtuar ai tutje në Info Magazine në Klan Kosova.

Orr ka thënë se shndërrimi i FSK’së në Ushtri është bërë në bashkëpunim të plot me Departamentin e Mbrojtjes në SHBA.

“Jam i kënaqur me punën që po bëhet dhe pres që brenda 10 viteve të bëhen të gjitha ndryshimet që kërkohet, në mënyrë që brenda 10 vitesh të kompletohet ky mision. Secili ka dëshirë të jetë pjesë e NATO’s. Amerika e përkrah transformimin në Ushtri. Ne mund t’i ndihmojmë ata që t’i arrijnë këto objektiva. Ne do të jemi krah për krah FSK’së. Ne jemi partnerë me ta. Ne duhet të jemi bashkë me ta. Janë shumë profesionistë dhe më duhet të them se udhëheqësit e tyre janë aq të mirë. Ne i shohim si miqtë tanë, si komshinjtë tanë. Të gjithë ushtarët e Iowa’s dhe qytetarët e dinë për Kosovën tani. Kemi raport të veçantë”, ka përfunduar ai./PERISKOPI