Deda: Pas zgjedhjeve në BE duhet të ketë kushte rigoroze për Ballkanin Perëndimor

Deputeti i Kosovës, Ilir Deda ka komentuar zgjedhjet për Parlamentin Evropian.

Deda tha se me rezultatet që kanë dal, liberalët e demokratët politikat e ygjerimit duhet të të konkretizohet dhe afatizohet.

“Tash që, pak a shumë, po shihet trendi i votave për Parlamentin Evropian, mund të konkludohet që politika e BE-së, apo mungesa e saj, ndaj Kosovës dhe shteteve të Ballkanit Perëndimor nuk mund më të fshihet pas frikës nga e djathta ekstreme, e cila pësoi debakël. Përkundrazi, me rezultatet e shkëlqyshme të gjelbërve dhe liberalëve e demokratëve, politika e zgjerimit duhet të konkretizohet dhe afatizohet. BE duhet të jep ofertë serioze të zgjerimit për shtetet e rajonit tonë. E kjo ofertë duhet të përmbajë edhe kushte rigoroze për çdo shtet të Ballkanit Perëndimor: qeverisje demokratike e media të lira, çkapje të shtetit dhe sundim të ligjit, luftë të njëmendtë të korrupsionit, drejtësi e barazi, si dhe zhvillim të mirëfilltë ekonomik”, shkruan Deda.