5 orë më parëBerisha i dërgon telegram ngushëllimi homologes Xhaçka dhe familjes së ushtarakes Hasanaj
Periskopi(7 vite më parë)
(7 vite më parë)Ministri i Mbrojtjes së Kosovës, Rrustem Berisha, pas rënies në krye të detyrës së ushtarakes shqiptare Zarife Hasanaj, i ka dërguar telegram ngushëllimi Ministrisë së Mbrojtjes, Forcave të Armatosura të Shqipërisë si dhe familjes së dëshmores më të re të kombit shqiptar, familjes Hasanaj. “Rënia në krye të detyrës e nëntetares Zarife Hasanaj, gjatë misionit […]
“Rënia në krye të detyrës e nëntetares Zarife Hasanaj, gjatë misionit të NATO-s në Letoni, është një lajm i hidhur si për ne në Ministrinë e Mbrojtjes të Republikës së Kosovës, ashtu edhe për të gjithë oficerët dhe ushtarët e Forcës së Sigurisë të Kosovës’’.
“Nëntetarja Zarife Hasanaj, dëshmorja më e re e kombit shqiptar, si një dëshmore e paqes dhe sigurisë, na dëshmon të gjithëve se edhe mbrojtja e paqes kalon nëpër sakrifica dhe përballje të rrezikshme për përmbushjen e detyrave ushtarake”.
“Në emër të Ministrisë së Mbrojtjes dhe Forcës së Sigurisë të Kosovës, ju shpreh ngushëllime të thella familjes së nëntetares Zarife Hasanaj, Ministrisë së Mbrojtjes, Forcave të Armatosura të Republikës së Shqipërisë dhe gjithë popullit shqiptar, si dhe u urojmë shërim të shpejtë majorit Klodian Tanushi dhe rreshterit Julian Kapaj. Pusho në paqe Heroinë!’’, thuhet në telegramin e tij, transmeton Klan Kosova.
