7 orë më parëArrestohet sulmuesi i gruas rome në Ferizaj
Periskopi(7 vite më parë)
(7 vite më parë)Gruaja rome , identiteti i së cilës nuk dihet, e që u bë e njohur përmes rrjeteve sociale pas sulmeve dhe linçimit publik, sot në qytetin e Ferizajt është sulmuar brutalisht për të dytën herë, pas rastit të mëhershëm në Lipjan. Policia e Kosovës ka konfirmuar për Periskopin se është arrestuar i dyshuari. Zyrtari i […]
Zyrtari i Policisë Rajonale të Ferizajt, Mehmetali Hajdini për Periskopin ka dhënë detaje tjera.
‘Sulmuesi është identifikuar dhe është arrestuar. Fillimisht kemi qenë në vendbanimin e tij por personi i dyshimtë nuk është gjendur në shtëpi’, ka thënë Hajdini për Periskopin.
Tutje ai tregon se gruaja rome gjendet ende në stacionin policor, dhe se po bashkëpunojnë me Qendrën për Punë Sociale dhe Avokatin e Popullit.
‘’Gruaja rome është ende në objektin e stacionit policor. Është edhe Qendra për Punë Sociale këtu, si dhe nga Zyra e Avokatit të Popullit. Jemi duke bashkëpunuar në mënyrë që t’i bëjmë zgjidhje viktimës’, ka thënë Policia./PERISKOPI/
