AKR-ja e Pacollit shpall fitoren në zgjedhjet evropiane (Foto)

Ministri Valdrin Lluka ka bërë një postim në profilin e tij në Facebook ku shihet një fotografi dhe një shkrim i gjatë në lidhje me rezultatet e zgjedhjeve evropiane që u shpallën dje.

Lluka deklaron se fituesja më e madhe e këtyre zgjedhjeve është Aleanca e Liberalëve dhe Demokratëve për Evropë [ALDE Party], pjesë e të cilës është edhe Aleanca Kosova e Re [AKR], përcjell Periskopi.

Natyrisht, kontributi i AKR-së për ALDE-n në këto zgjedhje dihet se mungonte por kjo s’e ka penguar ministrin në fjalë që të shpallte suksesin e kësaj partie.

Në të vërtetë, Partia Popullore pjesë e të cilës është Lidhja Demokratike e Kosovës fitoi shumicën e ulëseve në Parlamentin Evropian megjithëse me një rënie të lehtë.

Ky është postimi i plotë i z.Lluka:

Në zgjedhjet parlamentare evropiane, fituesi më i madh është Aleanca e Liberalëve dhe Demokratëve për Evropë (ALDE Party – Liberals and Democrats for Europe) pjesë e të cilës është edhe Aleanca Kosova e Re (Official) të cilët janë rritur për 38 deputetë.

Liberalët luftojnë kundër ndarjeve të klasave, luftojnë për çasje të barabartë në edukim dhe shëndëtësi për të gjitha grupet. Liberalët luftojnë dallimin në mes sistemeve publike dhe atyre private në edukim dhe shëndetësi.

Qytetarët e Kosovës kanë nevoj më shumë se kurrë për një vizion liberal, ku të drejtat e tyre janë mbi çdo gjë. Ku zëri i tyre dëgjohet në çdo moment. Ku mundësitë e ofruara janë të barabarta për secilin. Ku pengesat për zhvillim të secilit nuk janë prezente. Ku edukimi dhe shëndetësia ofrohen me kualitet të lartë tek të gjithë. Ku zhvillimi ekonomik nuk prekë interesa të caktuara, por tërë Kosovën, të gjithë qytetarët. Kjo është të qenurit liberal. Qytetari mbi të gjitha!