13 minuta më parëE thotë Beqiri: Dikush i ri në LDK nuk mund të zgjidhet kryetar para ndokujt me më shumë përvojë
Periskopi(7 vite më parë)
(7 vite më parë)Sekretari i Përgjithshëm i LDK-së, Ismet Beqiri, nuk ka dashur të komentojë për kandidaturën e mundshme të Isa Mustafës për të udhëhequr edhe një mandat me këtë parti. “Nuk është momenti të themi për askënd sepse edhe Isa Mustafa e ka thënë se do ta shpalosë qëndrimin e tij para ose në Kuvendin Zgjedhor”. “Isa […]
“Nuk është momenti të themi për askënd sepse edhe Isa Mustafa e ka thënë se do ta shpalosë qëndrimin e tij para ose në Kuvendin Zgjedhor”.
“Isa Mustafa po bën mirë dhe të tjerët do të duhej të kurseheshin aq sa munden sepse deklarimet tona mund të shkaktojnë ndarje se kush me kë është. Nëse duhet të ndahet vota se kush kë e mbështet atëherë mendoj se vendi i duhur është kutia”.
Beqiri në Info Magazine të Klan Kosovës ka folur edhe për gjeneratën e re në Lidhjen Demokratike të Kosovës duke thënë se kjo gjeneratë nuk mund të përjashtohet nga gara për të parin e partisë.
Megjithatë, sipas tij, nuk mund të mendohet se dikush i ri në LDK mund ta udhëheqë partinë para dikujt që ka më shumë përvojë.
“Njeriut në secilën punë që është i duhet edhe përvoja. Piloti që sot diplomon nuk mund ta drejtojë avionin si ai që e drejton që 20 vjet”.
“Kjo nuk nënkupton që përjashtohet ai që ka dëshirë dhe ka ardhur tash në LDK, por është nonsens të mendohet kështu”.
“Do të ishte gabim i madh dhe tregon që ai personalitet e ka huqur fare nëse mendon që edhe pse nuk ka qenë në struktura dhe mendon që mund ta drejtojë LDK-në kur ka një armatë të tërë në këtë parti me njerëz me përvojë dhe dije”.
“LDK gjithmonë e ka pasë dhe e ka derën e hapur për të rinjtë. LDK-ja brenda strukturës ka edhe të rinj, të reja dhe gra të zonja”.
Por, a do të kandidojë Ismet Beqiri sërish për postin e Sekretarit të Përgjithshëm në LDK apo këtë herë synon ‘kryetarllëkun’?
“Edhe në proceset zgjedhore edhe kur kam qenë në zgjedhjet lokale dhe qendrore besoj që e kanë parë qytetarët që e kam vënë gjithmonë interesin e partisë para interesit tim personal”.
“Kemi edhe të tillë që shihen fillimisht në pasqyrë dhe thonë se ‘jam më i miri’ dhe pastaj mendojnë për partinë, por unë nuk e kam pasë dhe nuk e kam këtë qasje”.
“Nëse vendos kryetari i partisë dhe struktura që të jem Sekretar i Përgjithshëm do ta pranoj. Nëse vendos për diçka tjetër, nuk është koha të flasim as për pozicionin aktual dhe pozicionet tjera”.
