8 orë më parëZemaj i përgjigjet PAN’it: Sa ‘kombëtarë’ po bëheni kur është në pyetje demaskimi i zhvatjes së buxhetit
Periskopi(7 vite më parë)
(7 vite më parë)Deputeti i Lidhjes Demokratike të Kosovës, Armend Zemaj në një prononcim për Periskopin ka thënë se koalicioni qeveritar po bëhet shumë ‘kombëtar’ kur është në pyetje demaskimi i Qeverisë. Kështu ka thënë pasi PDK, AAK e Nisma kanë paralajmëruar bojkot të seancave të caktuara me 5 dhe 6 mars, me kërkesë të opozitës. Po në […]
Zemaj ka thënë se mund të mbahet edhe seancë solemne për këto data historike, megjithatë sipas tij, nderimi më i madh dëshmorëve u bëhet duke e zhvilluar Kosovën.
”Aq kombëtarë bëhen kur është në pyetje demaskimi i zhvatjes së buxhetit nga ky koalicion qeverisës sa ta merr mendja që krejt vitin nuk duhet me mbajt seancë dhe me thirrë në përgjegjësi për cdo shkelje dhe mos respekt për normat ligjore në vendin tonë. Edhe seancë solemne mund të mbajmë për të nderuar jetën dhe veprën sublime të dëshmorëve, por nderimi më i madh ju bëhet kur zhvillohet dhe fuqizohet Kosova e jo kur degradohet, zhvatet dhe dobësohet Kosova’’, ka theksuar Zemaj për Periskopin.
Nga PDK, AAK dhe Nisma thonë se është e turpshme caktimi i seancave më 5 dhe 6 mars, pasi shënohen ditët historike të Kosovës dhe përkujtimi për Epopenë e UÇK’së. Në vend të seancave të jashtëzakonshme, ata kërkojnë seancë solemne për këtë shkak. Madje paralajmërojnë edhe bojkotimin e tyre./Periskopi/
