Veseli nervozohet kur pyetet për Bondstilin, momenti kur i thotë disa fjalë dhe largohet (Video)

Periskopi dje ka raportuar ekskluzivisht se zyrtarët amerikanë që së fundmi kanë vizituar Kosovën, kanë përmendur edhe mundësine e heqjes së Bondstilit nga vendi. Deri më tani, askush nga ata që kanë qenë në takim me zyrtarët amerikanë, nuk e ka mohuar një gjë të tillë. Për këtë, është pyetur edhe kryeparlamentari Kadri Veseli, i cili u shfaq paksa i nervozuar me mediat (megjithëse detyrë e mediave është të raportojnë v.j.), se po aplaudojnë gjendjen aktuale në vend (për ç’gjë nuk beson dikush se mediat janë fajtore). “Po pak po ia bëni edhe ju hajrin, për arsye se po aplaudoni edhe po i jepni bukur shumë mori suportuesish të qisaj fryme e cila po dëmton”, ka thënë aid he është larguar shpejt nga konferenca.

Kryeparlamentari Kadri Veseli është pyetur nga gazetarët lidhur me atë se a e kanë përmendur zyrtarët amerikanë mundëisnë e heqjes nga baza e Bondstilit.

Në minutat e fundit të konferencës, Veseli është parë i nervozuar, duke akuzuar edhe mediat se ‘po aplaudojnë frymën anti-amerikane në Kosovë’.

“Ne duhet më të mençur me mbajtë edhe bazën në Bondstil, me e promovu këtë prezencë amerikane me biznese amerikane, në vend se të mendojmë sit ë bëhemi anëtar i OKB’së pa e cenu territorin e Kosovës ne po merremi me vetveten”, ka thënë Veseli duke vazhduar tutje:

“Po pak po ia bëni edhe ju hajrin, për arsye se po aplaudoni edhe po i jepni bukur shumë mori suportuesish të qisaj fryme e cila po dëmton”, ka thënë aid he është larguar shpejt nga konferenca.

Ndryshe, Veseli edhe një herë ka bërë thirrje që të mos ‘luftojmë’ njëri – tjetrin, por ‘të bëhemi bashkë kundër Serbisë’.

“Mos ta dramatizojmë situatën për konsumin e rrethanave të brendshme, qoftë për situatën me dialog por edhe tarifën. Ato duhet t’i shërbejnë ballafaqimit me Sebrinë Gjërat që po ndodhin sot në Kosovë, më tepër janë duke u bërë për shërbim të brendshëm. Përballe e kemi Serbinë, nuk e kemi përballë Amerikën. Nuk ështrë mirë që për konsum të brendshëm, të dëmtohen dhe relativizohen marrëdhëniet me Amerikën. Masat që kemi marrë ndaj Serbisë edhe do të vazhdojnë, por në raport me Serbinë duhet të jemi edhe të meçur”, tha ai./Periskopi/