Tuzi u fitua nga shqiptarët: Kjo është qyteza sa troha me një grusht banorësh (Foto)

Tuzi mbrëmë u fitua nga një aleancë partish shqiptare dhe në rrjetet sociale të internetit shpërthyen urimet për këtë komunë të vogël, shkruan Periskopi.

Duke marrë parasysh traditën korruptive në qeverisje nga shqiptarët, urojmë që një gjë e tillë të mos ndodh në komunën e vogël në juglindje të Malit të Zi.

Tuzi është qytezë tepër e vogël në kufi me Shqipërinë. Është vetëm disa kilometra larg liqenit të Shkodrës.

Vetëm 4 mijë e 7 qind e 48 njerëz banojnë në qytezë, ndërkohë edhe 7 mijë e 348 në fshatrat përreth. Kjo e bën atë, komunë më të vogël se të gjitha në Kosovë, përfshirë edhe Hanin e Elezit.

Në vitin 1911, për here të pare që nga koha e Gjergj Kastriotit, në Tuz u ngrit flamuri shqiptar në malin e Deçiqit gjatë betejës së Deçiqit. Në betejë, Dedë Gjo Luli udhëhoqi shqiptarët drejt fitores kundër osmanëve që shenjoi një pike kthese në luftën shqiptare për vetëvendosje.

Por, siç shkruan Periskopi, në Tuz banojnë vetëm 2 mijë e 383 shqiptarë, 932 boshnjakë, 554 të tjerë që janë quajtur myslimanë, 554 malazez, 111 nga komuniteti rom dhe 13 serbë.

Shumica e njerëzve i përkasin fesë katolike./Periskopi/