4 orë më parëShpërthejnë të qeshurat në seancën gjyqësore të Sami Lushtakut, gjyqtari: Mos ta qes naj kon jashtë
Periskopi(7 vite më parë)
(7 vite më parë)Seanca e të mërkurës, lidhur me gjuajtjet me armë në një odë nga Sami Lushtaku, Dardan Gashi e Endrit Shala i ka ngjarë më shumë një skene humoristike se një seancë gjyqësore prej vërteti. Në seancë nuk janë dukur aspak serioz të akuzuarit, pavarësisht se kishin qenë fajtor për gjuajte me armë nga një odë […]
Në seancë nuk janë dukur aspak serioz të akuzuarit, pavarësisht se kishin qenë fajtor për gjuajte me armë nga një odë e më pas edhe të dënuar me një gjobë ‘lehtësuese’ siç e kishte cilësuar prokurori i rastit.
Me disponim Lushtaku ishte parë qysh në fillim të kësaj seance. Ishte ankuar se nuk kishte shumë medie prezent në gjykimin e tij.
Gjyqtari i rastit në disa raste ua tërheq vërejtën prezentëve në sallë, duke iu drejtuar se mund ta nxjerr jashtë nga salla dikë.
Por pavarësisht kërcënimeve të tij, të qeshurat nuk janë ndalur.
“Veç përsërite edhe njëherë se nuk dëgjova. Data muaji, viti i lindjes”, thotë gjyqtari ku më pas fillojnë të qeshurat.
“Qetësi ju lutem”
“A jeton në fshatin Prekaz. I martuar? Sa fëmijë?”, pyet gjyqtari.
“Veç tetë deri tash”, thotë Lushtaku, ku të qeshurat shpërthejnë përsëri.
“Mos ta qes naj kon jashtë”, kërcënonte gjyqtari.
Kur pyetet për gjendjen ekonomike, Lushtaku i përgjigjet sikurse e mesme. Kujtojmë se Lushtaku dhe zv/kryeministri, Dardan Gashi janë dënuar më 1 mijë e 700 euro për gjuajte me armë në odë ku po festonin pafajësinë e Fatmir Limajt, shkruan Insajderi.
Ndërsa Endrit Shala është dënuar nga Gjykata Themelore e Prishtinës me 2 mijë e 400 euro gjobë.
Video e huazuar nga KTV.
