7 orë më parëShefi i Bondsteel’it: Nuk largohemi nga Kosova, s’ka bazë të re në veri
Periskopi(7 vite më parë)
(7 vite më parë)Udhëheqësi i bazës ushtarake Bondsteel’it në Kosovë, Roy Macaraeg ka thënë se vendimi për largimin e trupave amerikane nga Kosova merret nga niveli politik. Por, ka thënë se pozicioni i Amerikës është sqaruar nga Ambasada në Prishtinë se misioni ushtarak i amerikanëve vazhdon në Kosovë. “Ne, si KFOR, mbetemi të angazhuar në misionin tonë të […]
Por, ka thënë se pozicioni i Amerikës është sqaruar nga Ambasada në Prishtinë se misioni ushtarak i amerikanëve vazhdon në Kosovë.
“Ne, si KFOR, mbetemi të angazhuar në misionin tonë të përcaktuar me Rezolutën 1244 të Këshillit të Sigurimit të OKB-së”, ka deklaruar Macaraeg për tanjugun serb.
Ky zyrtar ushtarak ka mohuar mundësinë e krijimit të një baze të re ushtarake në Veri të Kosovës. Ka thënë se një e tillë ekziston atje dhe nuk ka nevojë për baza te reja.
“Ekziston tashmë një bazë e KFOR-it në veri të Kosovës, Kampi “Notting Hill”, dhe nuk ka asnjë plan për të ndërtuar një bazë të re”, ka shtuar ai, transmeton Express.
Deklaratat e ushtarakut amerikan kanë ardhur pas paralajmërimeve të disa liderëve politikë se Amerika mund të largohet nga Kosova dhe të mbyllë kampin Bondsteel për shkak se Kosova s’po e dëgjon kërkesën amerikane për heqjen e taksës.
Ramush Haradinaj ka thënë se amerikanët në Kosovë janë për interesa strategjike dhe nuk largohen për një problem ndërmjet Kosovës dhe Serbisë.
