6 orë më parëPolicia arreston dy persona për shantazh
Periskopi(7 vite më parë)
(7 vite më parë)Në dy operacione të ndara të zhvilluara dje dhe sot nga ana e njësisë rajonale për hetimin e krimeve në kuadër të Drejtorisë Rajonale të Policisë së Prishtinës, janë arrestuar dy persona të dyshuar për një rast të shantazhit. Kështu bën me dije përmes një njoftimi, Policia e Kosovës, që tregon tutje se këto operacione […]
Kështu bën me dije përmes një njoftimi, Policia e Kosovës, që tregon tutje se këto operacione kanë ardhur si rrjedhojë e një denoncimi që viktima e rastit ka bërë pranë policisë disa ditë më parë.
“Nga hetimi preliminar që policia i ka bërë këtij rasti, është ngritur baza e dyshimit se të dyshuarit për një periudhë ë caktuar kohore duke shantazhuar dhe shtrënguar viktimën me publikimin e disa fotografive eksplicite, kanë ndikuar te ajo që përkundër vullnetit të saj të marrin shuma të konsiderueshme të parave”, thuhet në njoftimin e PK-së.
Kësisoj në operacionin e djeshëm policia ka arritur që në flagrancë të kapë dhe të arrestojë të dyshuarin S. L, mashkull, 19 vjeç, shtetas i Republikës së Kosovës, dhe të njëjtin më pas me rekomandimin e prokurorit të shtetit ta procedoj në qendrën e mbajtjes prej 48 orësh për vazhdimin e mëtejmë të hetimeve.
Ndërkohë që policia ka zgjeruar rrethin e hetimeve ka identifikuar edhe të dyshuarit e tjerë të përfshirë në rastin në fjalë. Ndërkohë që hetimi ka vazhduar, ndërlidhur me veprimet operative sot është arrestuar edhe i dyshuari i dytë A. H, mashkull, 22 vjeç, shtetas i Republikës së Kosovës, për të cilin ekziston dyshimi i arsyeshëm se është i implikuar në rastin në fjalë.
Me rekomandimin e prokurorit të shtetit i njëjti po ashtu është dërguar në qendrën e mbajtjes prej 48 orësh për hetime të mëtejme.
I dyshuari i tretë, Sh. Ç, i njohur për policinë, aktualisht është në arrati dhe polica bashkërisht me prokurorin e shtetit po koordinon veprimet e nevojshme për të mundësuar kapjen e tij.
