7 orë më parëNesër protestohet për vendimin e Gjykatës për 20 vjeçarin që goditi për vdekje dy gra në Prishtinë
Periskopi(7 vite më parë)
(7 vite më parë)Vendimi i Gjykatës Themelore të Prishtinës për dënim me 3.5 vjet burg të të riut i cili kishte goditur me veturë dy gra te rruga B në Prishtinë, ka ngjallur reagim të familjarëve dhe shoqërisë civile – raporton Periskopi. Për këtë vendim, i cili po cilësohet si skandaloz, nesër do të protestohet. Shoqëria civile ka […]
Shoqëria civile ka paralajmëruar protestë për nesër në ora 12:00, te Pallati i Drejtësisë.
Kjo pas vendimit të Gjykatës Themelore në Prishtinë, për të riun i cili kishte shkelur me veturë aksidentalisht dy gra në rrugën B në Prishtinë.
Dy të aksidentuarat kishin humbur jetën në QKUK, nga plagët e rënda.
“Drejtësia dështon! Për dy jetë të humbura fajtori dënohet me 3.5 vjet burg. Prandaj, Shoqëria civile organizon Protestë më 6 mars 2019, ora 12:00, para Gjykatës Themelore të Pallatit të Drejtësisë në Hajvali.
Një aksident i rëndë trafiku që ndodhi me 22 tetor të vitit të kaluar në rrugën “B” në Prishtinë i mori jetën dy vajzave të reja.
30-vjeçarja, me inicialet L.A., ndërroi jetë menjëherë si pasojë e mos-përballimit të plagëve të marra nga goditja e veturës. Kurse 23-vjeçarja tjetër, F.R., ndërroi jetë disa ditë më vonë.
Policia e Kosovës kishte arritur të arrestojë ngasësin e veturës BMË, L.M 20-vjeç.
20-vjeçari u dënua sot nga Gjykata Themelore në Prishtinë me 3 vjet e 6 muaj burgim.
Familjarët janë shprehur të revoltuar me vendimin në fjalë pas përfundimit të seancës gjyqësore./PERISKOPI
