8 orë më parëMPJ merr masa ndaj ambasadorit Gjergj Dedaj pas deklarimeve skandaloze
Periskopi(7 vite më parë)
(7 vite më parë)Plotësisht të papranueshme po cilësohen të paktën dy deklarata të ambasadorit të Kosovës në Maqedoninë e Veriut, Gjergj Dedaj, të dhëna nëpërmjet postimeve në llogarinë e tij në rrjetin social Facebook. Për këtë, Ministria e Punëve të Jashtme ka thënë se ka ndërmarrë hapa konkretë ndaj Dedajt. Por nuk ka treguar se për çfarë mase […]
Për këtë, Ministria e Punëve të Jashtme ka thënë se ka ndërmarrë hapa konkretë ndaj Dedajt. Por nuk ka treguar se për çfarë mase bëhet fjalë. Në një përgjigje zyrtare për portalin Koha.net, MPJ-ja ka shkruar se nuk lejon dëmtimin e marrëdhënieve me shtetet mike.
E nga ana tjetër njohësit e çështjeve diplomatike dhe analistë e vlerësojnë si jodiplomatike gjuhën e përdorur nga Dedaj.
Më 4 shkurt, Dedaj në Facebook kishte shkruar “Lutemi të shpëtojë Kosova nga ‘trimat’ e pasluftës! Ata të cilët sot thirren në luftë, kur ndodhi lufta, atë e shikuan nga larg, vetëm në ekranet televizive! Këta ‘trima’ aventurierë e mburravec, të frustruar dhe skizoidë, po na shesin ‘dushk për gogla’! Është koha për ndërtimin e paqes, fqinjësisë, stabilitetit, shtetit demokratik dhe perspektivës euro-atlantike”.
20 ditë më pas, ai vazhdoi me deklarime të tjera, që vlerësohen si të papranueshme, për një ambasador shteti.
