6 orë më parëLabinot Tahiri nxjerr racizmin nga brenda: Qeshni njerëzit me ngjyrë e ndërkombëtarët, jo rininë tonë
Periskopi(7 vite më parë)
(7 vite më parë)Fakti i të qenurit deputet i zgjedhur nga votat e qytetarëve, nuk e ndalur Labinot Tahirin nga gjuha raciste që ai e shprehu në rrjete sociale. Në përpjekje për të ndaluar përqeshjen ndaj një të riu, ai bëri një gafë edhe më të madhe – raporton Periskopi. Deputeti Labinot Tahiri, përmes një reagimi në rrjetin […]
Deputeti Labinot Tahiri, përmes një reagimi në rrjetin social “Facebook” i doli në krah të riut nga Drenica, që po përqeshej nga të tjerët për shkak të paraqitjes së tij ‘A ban me fol’.
Në atë publikim, Tahiri në të vërtet shpërfaqi se sa racist është.
Në përpjekje për ta ndihmuar një të përqeshur, Tahiri sulmoi edhe më rëndë dikë tjetër.
Ai u bëri thirrje qytetarëve që të ndalojnë përqeshjen e të rinjve nga Kosova, por mos t’i kursejnë ndërkombëtarët apo ndonjë me “ngjyrë të zezë”.
Ai i drejtohet si “zezak” një të riu me ngjyrë, i cili kishte bërë një video tallëse me shqiptarët, e cila ishte bërë virale në rrjete sociale.
“Qeshni nderkombetarët ose ndonjë me ngjyrë të ZEZË SI PUNA ATIJ ZEZAKUT që na e përqeshi shqiptarin tonë!”, shkruan Tahiri ndër të tjerash në profilin e tij në Facebook.
Përmes thirrjeve të tilla raciste, ai përpiqet t’i bëjë thirrje rinisë kosovare për unitet e përkrahje për njëri tjetrin.
Aty, Tahiri, bëri të ditur se do t’ia dhurojë të riut nga Drenica 500 euro për shkollimin e tij nga paga.
Por, në një reagim në rrjetin social “Facebook”, djaloshi “A ban me fol”, i ka demantuar raportimet e medieve se familja e tij është në gjendje të rëndë dhe se ai ka ndërprerë studimet, në pamundësi të kryerjes së pagesës për to./PERISKOPI
