Kush ishte Klaus Kinkel? Politikani gjigant që bashkoi Gjermaninë dhe që ishte i pamëshirshëm ndaj Millosheviqit

Dje u mësua për vdekjen e politikanit të njohur gjerman Klaus Kinkel, i njohur gjerësisht në shoqërinë tonë gjatë kohës së luftës. Ai ishte 82 vjeçar.

Ai ishte shërbyes civil, avokat dhe politikan i partisë liberale FDP [Partia për Demokracinë e Re]. Ai ka shërbyer si ministër federal i Drejtësisë, ministër i punëve të jashtme dhe zëvendës-kancelar në qeverinë e Helmut Kohlit. Paraprakisht, ai kishte qenë edhe president i Shërbimit të Inteligjencës gjermane [1979-1982].

Si ministër i jashtëm, Kinkeli kishte pasur qëndrim të qartë e të prerë për t’i ndaluar krimet e kryera gjatë luftërave të vitit 1990, dhe ishte propozuesi për krijimin e Tribunalit ndërkombëtar të krimeve në ish Jugosllavi.

Ai kishte qenë jashtëzakonisht i suksesshëm në orientimin politik të Gjermanisë brenda Bashkimit Evropian. Me iniciativën e tij, Gjermania ishte bërë vendi i parë që deklaronte ndërprerjen e kontakteve me të dërguarit e Bosnjes pas rekomandimit të Carlos Wastendorp, Përfaqësuesi i Lartë i Komunitetit Ndërkombëtar në Bosnje-Herzegovinë.

Vdekjen e tij e ka vajtuar edhe kancelaria Angela Merkel, duke thënë se ka humbur “një shok të besueshëm nga kohët e riunifikimit të Gjermanisë.”

Më tej ajo ka shtuar: “Kinkel ishte një liberal i madh dhe një kampion i pakompromis i lirisë dhe demokracisë.”