Conte në Serbi, flet me Vuçiqin për Kosovën dhe nënshkruajnë një marrëveshje të rëndësishme ekonomike

Kryeministri Italian, Giuseppe Conte, do të qëndrojë për vizitë një ditore në Serbi. Ai do të takojë presidentin e Serbisë Aleksandër Vuçiq dhe kryeministren serbe, Ana Brnabiq, shkruan B92, përcjell Periskopi.

Kjo është vizita e tij e parë si kryeministër i Italisë në vendet e Ballkanit Perëndimor dhe ka zgjedhur pikërisht Serbinë ku edhe do të nënshkruajë një sërë memorandumesh bashkëpunimi me këtë shtet.

Para se të arrijë në Serbi, Conte u ka thënë mediave italiane se Roma është mbështetëse ‘kruciale për ekonominë serbe dhe rrugen e saj drejt BE’së”. Gjithashtu ka thënë se Roma mbështet ‘zgjidhjen e çështjes së Kosovës”.

Gjatë vizitës, një nga memorandumet e bashkëpunimit që do të nënshkruhet me shtetin serb, është edhe ai për çështjen e hekurudhave mes Romës dhe Beogradit./Periskopi/