5 orë më parëKomandanti suprem i NATO-s në Evropë tregon pse Rusia nuk e njeh Kosovën
Periskopi(7 vite më parë)
(7 vite më parë)Situata e sigurisë në Ballkan është shumë e brishtë dhe vendet e rajonit janë shënjestra kryesore të ndikimit malinj të Rusisë. Kështu ka thënë komandanti i forcave të SHBA-së në Evropë, Curtis M. Scaparrotti, gjatë një dëshmie para Komitetit për Forca të Armatosura të Senatit amerikan. Scaparrotti, i cili gjithashtu është komandant Suprem i Aleancës […]
Kështu ka thënë komandanti i forcave të SHBA-së në Evropë, Curtis M. Scaparrotti, gjatë një dëshmie para Komitetit për Forca të Armatosura të Senatit amerikan.
Scaparrotti, i cili gjithashtu është komandant Suprem i Aleancës i NATO-s në Europë, e ka quajtur Ballkanin një rajon me rëndësi strategjike përderisa ka folur para senatorëve edhe për bisedimet ndërmjet Kosovës dhe Serbisë.
Negociatat mes Kosovës dhe Serbisë për normalizimin e raporteve dhe arritjen e një zgjidhjeje afatgjatë që është e zbatueshme për të dyja vendet, aktualisht janë pezulluar.
“Rusia e ushqen paqëndrueshmërinë rajonale në përpjekje për të parandaluar vendet e Ballkanit në përparimin e tyre drejt integrimit euroatlantik”, ka thënë gjeneral Scaparrotti, duke nënvizuar faktin se Moska e kundërshton njohjen e Kosovës si shtet sovran e përmes ndihmës politike, ushtarake dhe ekonomike mundohet të ruajë ndikimin e saj në Serbi.
Gjenerali e vuri theksin te fakti që forca e NATO-s në Kosovë (KFOR), e cila përfshin mbi 3.500 trupa nga vendet anëtare të aleancës dhe shtete të tjera, luan një rol të rëndësishëm në ruajtjen e sigurisë dhe stabilitetit në rajon.
