2 orë më parëKleriku musliman po e konsideron poligaminë padrejtësi ndaj grave
Periskopi(7 vite më parë)
(7 vite më parë)Imami i institucionit më të lartë në Egjipt, Al-Azhar, ka thënë se poligamia mund të jetë një padrejtësi për gratë dhe fëmijët. Kleriku Ahemd al-Tayeb ka thënë se mënyra se si praktikohet (poligamia) shpesh vjen si pasojë e keqkuptimit të Kuranit, shkruan BBC, transmeton Periksopi. Pasi u shkaktua një debat, Al-Azhar sqaroi se kleriku nuk […]
Kleriku Ahemd al-Tayeb ka thënë se mënyra se si praktikohet (poligamia) shpesh vjen si pasojë e keqkuptimit të Kuranit, shkruan BBC, transmeton Periksopi.
Pasi u shkaktua një debat, Al-Azhar sqaroi se kleriku nuk po bënte thirrje për ta ndaluar poligaminë.
Ai pësëriti se monogamia është rregull, kurse poligamia përjashtuese.
“Ata që thonë se një martesë duhet të jetë poligamike, janë gabim”, tha ai. Kurani, shtoi ai, thotë se një musliman mund të ketë më shumë se një grua, por ai duhet t’u bindet kushteve të drejtësisë, në të kundërtën e ka të ndaluar të ketë më shumë se një grua.”
Ndërsa kleriku al-Tayeb po ashtu avokoi për të shtjelluar më gjerë mënyrën se si adresohen çështjet e grave. “Gratë përfaqësojnë gjysmën e shoqërisë. Nëse nuk shqetësohemi për to, është sikur të ecësh me një këmbë”, ka shkruar ai në Twitter.
Këshilli Kombëtar i Grave në Egjipt u përgjigj pozitivisht ndaj këtyre deklaratave.
“Religjioni islam nderon gratë, ka sjellur drejtësi dhe një numër të të drejtave që më parë nuk ekzistonin”, ka thënë Maya Morsi, kryetare e këshillit.
Poligamia nënkupton martesa/bashkëjetesa me më shumë se një partner/e.
Artikull i përkthyer nga Periskopi.
