5 orë më parëIsa Mustafa sulmon Ligjin e Platformën për Dialog, që pritet të votohen nesër në Kuvend
Periskopi(7 vite më parë)
(7 vite më parë)Kryetari i Lidhjes Demokratike të Kosovës, Isa Mustafa e ka quajtur degradim të shtetësisë së Kosovës grupin për dialog – raporton Periskopi. Mustafa ka thënë se Ligji për Dialog është dokument i trupit dhe se Platforma për dialog nuk ofron asgjë tjetër, përveç pritjeve të rrejshme në opinion. “LDK do të iniciojë ndryshimin e […]
Kryetari i Lidhjes Demokratike të Kosovës, Isa Mustafa e ka quajtur degradim të shtetësisë së Kosovës grupin për dialog – raporton Periskopi.
Mustafa ka thënë se Ligji për Dialog është dokument i trupit dhe se Platforma për dialog nuk ofron asgjë tjetër, përveç pritjeve të rrejshme në opinion.
“LDK do të iniciojë ndryshimin e Kodit Penal, me të cilin duhet të sanksionohet vepra penale për çdo zyrtar i cili e vë në pyetje Deklaratën e Pavarësisë, Kushtetutën dhe shtetësinë e Kosovës. Kjo nuk bëhet me Platformë dhe Ligj që nuk e mbrojnë Kosovën por i mbrojnë ata që dialogojnë”, shkruan ai ndër të tjerash.
Lexoni të plotë reagimin e tij:
Të nderuar qytetarë,
Grupi për dialog është degradim i shtetësisë së Kosovës! Ky grup është kthim prapa, para vitit të shpalljes së pavarësisë, në kohën e UNMIK-ut, kur Kosova nuk kishte institucionet e veta me legjitimitet të plotë, pra mu atje ku e dëshiron Serbia dhe ata që e kontestojnë shtetësinë e Kosovës.
Ligji për dialogun është dokument i turpit dhe shantazhimit të këtij koalicioni nga një parti e vogël në Kuvend që po ua siguron mbijetesën në kapje dhe zhvatje të shtetit.
Platforma e dialogut nuk ofron asgjë tjetër veç pritje të rrejshme në opinion. As Ligji e as Platforma nuk e sanksionojnë përgjegjësinë e zyrtarëve shtetëror që lobojnë dhe pajtohen me shkeljen e Deklaratës së Pavarësisë, përkatësisht shtetësisë së shpallur më 17 shkurt 2008.
Absurdi qëndron në faktin se Patforma e hartuar nga një grup që nuk përfaqëson shumicën në Kuvend, synohet të aprovohet me shumicë të thjeshtë, kurse Marrëveshja kërkon të ratifikohet me 2/3 e votave të deputetëve në Kuvend. Askush nuk guxon ta bjerë Kuvendin para aktit të kryer! As Presidenti, as Kryeministri e as askush!
Dialogu duhet të zhvillohet nga një qeveri legjitime dhe me një Platformë e cila duhet të jetë produkt i një pajtimi të gjerë dhe të aprovohet me 2/3 në Kuvend ashtu si edhe Marrëveshja.
LDK do të iniciojë ndryshimin e Kodit Penal, me të cilin duhet të sanksionohet vepra penale për çdo zyrtar i cili e vë në pyetje Deklaratën e Pavarësisë, Kushtetutën dhe shtetësinë e Kosovës. Kjo nuk bëhet me Platformë dhe Ligj që nuk e mbrojnë Kosovën por i mbrojnë ata që dialogojnë. IM
