7 orë më parëIsa Mustafa nesër në konferencë për media, flet për takimin me Thaçin
Periskopi(7 vite më parë)
(7 vite më parë)Takimi i kreut të LDK-së, Isa Mustafës me Presidentin Hashim Thaçi ka ngjallur mjaft reagime, me ç’rast Mustafa do të flasë për këtë takim në një konferencë për media, shkruan Periskopi. Konferenca do të mbahet nesër në ora 15:00 në Sirius, pas mbledhjes së kryesisë së LDK-së. Këtë konferencë e kishte paralajmëruar edhe zëdhënësi i […]
Konferenca do të mbahet nesër në ora 15:00 në Sirius, pas mbledhjes së kryesisë së LDK-së.
Këtë konferencë e kishte paralajmëruar edhe zëdhënësi i LDK-së, Besian Mustafa.
“Sa i përket takimit të kryetarit Mustafa, kryetari Mustafa do të jetë në konferencë personalisht javën e ardhshme, kështu që mund t’ia adresoni pyetjet atij javën e ardhshme”, ka thënë ai.
Ndërkaq, për takimin me Thaçin, Mustafa ka njoftuar edhe përmes facebook-ut.
“Mbrëmë e takova Presidentin Thaçi në shtëpinë time. Kërkoi të më informoj, si kryetarin e partisë më të madhe politike, për kërkesat por edhe paralajmërimet për masa, shumë serioze, ndaj Kosovës, të deklaruara nga delegacioni i lartë i SHBA-së. Ia shpreha brengosjen time dhe të LDK-së për situatën në të cilën koalicioni qeverisës e ka sjellë vendin. Kërkova nga Presidenti që të heq dorë nga orientimi i tij dhe diskursi politik për korrigjim të kufijve, në mënyrë që të krijohet një ambient normal për dialog dhe të evitohet frika nga dialogu. Se LDK nuk do të pajtohet ne asnjë mënyrë që të dialogohet për territorin, sepse kjo qon në rihapje të shtetësisë. Poashtu, theksova se është përgjegjësi e koalicionit qeverisës që të gjej zgjidhje, në mënyrë që të ruhet partneriteti me SHBA-të, si aleatin tonë strategjik. Ia shpreha qëndrimet e LDK-së për dialogun dhe nevojën që para dialogut të shkohet në zgjedhje, për të siguruar legjitimitetin. Kam vërejtur se ka pasur spekulime si dhe akuza për këtë takim; disa budallenjë e kanë cilësuar edhe si tradhti. Të tillët janë injorantë e zjarrëvënës. Kur është në pyetje interesi i shtetit dhe partneriteti me SHBA-të do të bisedoj dhe do të takohem me të gjithë, sepse i besoj programit dhe frymës së LDK-së. LDK nuk është parti diskomunikuese, nuk frikësohemi nga takimet, sepse u qëndrojmë besnik zotimeve tona politike.
Ditet e kaluara kam komunikuar edhe me Kryeministrin Haradinaj dhe me zv.kryeministrin Limaj. Më herët edhe me z. Kurti. Të gjithë ne kemi përgjegjësi për këtë vend, si pozitë dhe si opozitë.”/PERISKOPI/
