Haradinaj: Ky është viti i ekonomisë në Kosovë

Me këtë rast, Haradinaj ka thënë se ky vit është i ekonomisë në Kosovë, shkruan Periskopi.

“Kosova ka shënuar rritjen më te madhe ekonomike në regjion dhe ka politikën më të mirë fiskale, derisa ligjet e reja tatimore që presin miratim nga Kuvendi do të ofrojnë kushte të favorshme të të bërit biznes. Ky është vit i ekonomisë dhe përkrahja e prodhimit dhe bizneseve vendore do të vazhdojë të mbetet agjendë e çdoditshme e Qeverisë”, ka thënë ai.

Me këtë rast, Haradinaj ka thënë se ka marrë kërkesat e biznesmenëve, për të cilat ka thënë se do t’i përdorë për krijimin e politikave zhvillimore.

“Vizitën në këtë Komunë e përmbyllëm me një drekë pune me përfaqësuesit e mbi 50 bizneseve nga kjo anë. Dëgjova me vëmendje brengat dhe kërkesat e tyre, të cilat do të na ndihmojnë në krijimin e politikave të duhura zhvillimore, që Kosovën ta bëjmë vendin më joshës për biznes në regjion”, ka thënë Haradinaj./PERISKOPI/