Fjalët e zjarrta të Bernie Sanders derisa Kosova digjej: “Millosheviqi është kriminel lufte, duhet të ndërhyjmë” (Video)

Bernie Sanders është kandidati me gjasat më të mira për të fituar nominimin e partisë demokratike për t’i dale kundër Donald Trumpit në zgjedhjet presidenciale të vitit 2020, shkruan Periskopi.

Sanders është etiketuar si socialist, deri vonë një etiketë pezhorative në politikën amerikane, shkaku i politikave reformuese në rishpërndarjen e të ardhurave që kërkon të vë në zbatim.

Ajo që entuziazmon në veçanti në lidhje me kandidatin demokrat që për një javë i mblodhi 10 milionë dollarë për fushatën e tij, është qëndrimi i tij për bombardimet e NATO-s dhe liderin komunist serb, Sllobodan Millosheviq.

Më poshtë e gjeni videon me fjalimin e tij, të përkthyer me shkurtime nga Periskopi.

“Kam dëgjuar fjalë nga disa njerëz që thonë se ndërhyrja jonë [e ShBA-ve] në Kosovë është jokushtetuese. Ata kanë të drejtë. Por, jokushtetuese ishin edhe ndërhyrjet e tjera ushtarake që kemi bërë, si ajo në Vietnam, Grenadë etj. Ka ardhur koha që kongresi të adresojë seriozisht çështjet e luftës dhe paqes. T’iu them të drejtën jam skajshëm i shqetësuar për procesin që po zhvillohet sot.”

“Deklarata ime për situatën në fjalë është se z.Millosheviq është kriminel lufte, dhe se deportimi masiv i qytetarëve, spastrimi etnik, dhunimet janë të papranueshme dhe nuk mund të shpërfillen. Shkaku që Millosheviqi nuk i ka respektuar marrëveshjet, unë e kam mbështetur bombardimin e NATO-s [në caqet ushtarake serbe]. Besoj që policia ushtarake serbe duhet të largohet nga Kosova; se qindra mijëra njerëz që u dëbuan nga shtëpitë e tyre, duhet të lejohen të kthehen, Kosovës duhet t’i ipet një lloj i vetëqeverisjes dhe se forcat ndërkombtare paqeruajtëse duhet të vendosen. Mendoj se shteti ynë duhet të jetë sa më aktiv që është e mundur në gjetjen e një rruge drejt paqes.”