Familjarët flasin për gjendjen e ‘a ban me folë?’ – “Është student i mirë, por njerëzit po bëjnë hajgare dhe atij po i pengon”

Pasi qarkulloi një video në rrjetet sociale ku thuhej se djali që ishte përqeshur për festën e tij pas zgjedhjes së Thaçit president, duke kërkuar leje që të fliste te gazetari i KTV-së, merret vesh e vërteta.

Gazeta Express ka kontaktuar me familjarët e tij, të cilët kanë rrëfyer se djali ndaj të cilit u ushtrua abuzim i tmerrshëm përqeshës nga një pjesë e madhe e shoqërisë, në të vërtetë nuk e ka lënë shkollimin por ballafaqohet me probleme financiare për ta përballuar studimin në një universitet privat, përcjell Periskopi.

“Jo, ai e vazhdon shkollimin. Bilës është shumë student i mirë. Po bëjnë hajgare njerëzit me thënien e tij. Edhe kjo gjë po i pengon, ngase tashmë janë bërë të tepërta. Nuk ka vend që ai shkon e nuk ia thonë fjalët ‘A ban me folë”, tregon ky i afërm i tij.