3 orë më parëDonald Tusk: Ndërhyrje armiqësore në zgjedhjet e PE-së, po influencojnë forca të jashtme antievropiane
Periskopi(7 vite më parë)
(7 vite më parë)Presidenti i Këshillit Evropian, Donald Tusk, paralajmëroi për ndërhyrje të huaja armiqësore në zgjedhjet e Parlamentit Evropian që do të mbahen në muajin maj. Në një konferencë për shtyp në Bruksel, Tusk tha se ekziston kërcënimi për sulme të ngjashme me fushatat e manipulimit të opinionit publik, që, sipas tij, kanë ndodhur në përpjekje për […]
Në një konferencë për shtyp në Bruksel, Tusk tha se ekziston kërcënimi për sulme të ngjashme me fushatat e manipulimit të opinionit publik, që, sipas tij, kanë ndodhur në përpjekje për të ndikuar referendumin për daljen e Britanisë nga Bashkimi Europian në vitin 2016.
“Ka forca të jashtme antievropiane që përpiqen, hapur ose fshehurazi, të inuencojnë zgjedhjet demokratike të europianëve, siç ishte rasti me Brexit-in dhe disa fushata elektorale nëpër Europë. E siç mund të jetë rasti, sërish në muajin maj…”, deklaroi Tusk.
Tusk nuk e përmendi në mënyrë specike Rusinë, por qeveria britanike ka thënë se Rusia ka bërë përpjekje të manipulojë votimin për Brexit-in:
“Mos lejoni që partitë politike të cilat janë të themeluara nga forca të jashtme armiqësore, të vendosin mbi përparësitë kyçe të BE-së dhe udhëheqjen e institucioneve evropiane”.
Franca dhe Gjermania po ashtu kanë thënë se Rusia ka bërë përpjekje të ndikojë në zgjedhjet e tyre. Sondazhet e opinionit tregojnë se popullistët euroskeptikë do të avancojnë ndjeshëm në zgjedhjet e Parlamentit Europian, por grupet politike qendrore, sipas tyre, më shumë gjasë do të vazhdojnë të ruajnë mazhorancën, megjithë shenjat në rritje të fragmentimit.
