5 orë më parëArabia Saudite ia heq shtetësinë djalit të Bin Ladenit
Periskopi(7 vite më parë)
(7 vite më parë)Ministria e Brendshme e Arabisë Saudite ka deklaruar se ia ka hequr shtetësinë Hamza bin Ladenit, djalit të ish-liderit të grupit “Al Qaeda”, Osama bin Laden. Vendimi për tërheqjen e shtetësisë së tij nga vendi më i madh i Gadishullit Arabik vjen vetëm një ditë pasi Departamenti i Shtetit në SHBA njoftoi se do të […]
Ministria e Brendshme e Arabisë Saudite ka deklaruar se ia ka hequr shtetësinë Hamza bin Ladenit, djalit të ish-liderit të grupit “Al Qaeda”, Osama bin Laden.
Vendimi për tërheqjen e shtetësisë së tij nga vendi më i madh i Gadishullit Arabik vjen vetëm një ditë pasi Departamenti i Shtetit në SHBA njoftoi se do të ofrojë deri 1 milion dollarë si shpërblim për ata që ndihmojnë në gjetjen e tij. Shtetet e Bashkuara besojnë se ai është një nga udhëheqësit kryesorë të grupit famëkeq.
Sipas institutit “Brookings”, Hamza, i cili besohet se është rreth moshës 30-vjeçare, kishte qëndruar bashkë me babain e tij para sulmeve të 11 shtatorit të vitit 2001 dhe gjatë qëndrimit të tij në Pakistan pasi hyrja e forcave amerikane i kishte detyruar udhëheqësit e grupit të largohen nga vendi.
Departamenti i Shtetit kishte deklaruar në vitin 2017 se Hamza bin Laden ka bërë thirrje për sulme terroriste në kryeqytetet e vendeve perëndimore dhe ka kërcënuar se do të hakmerret kundër Shteteve të Bashkuara për vrasjen e babait të tij.
Ai gjithashtu ka kërcënuar se do t’i sulmojë amerikanët që ndodhen në shtete të ndryshme dhe ka bërë thirrje që fiset saudite të bashkohen me grupin “Al Qaeda” në Gadishullin Arabik për të luftuar kundër Arabisë Saudite, shkruan “Reuters”.
