13 minuta më parëAbdixhiku: 7 deputetë i kanë punësuar familjarët e tyre në Telekom, por ‘me rëndësi taksa’
Periskopi(7 vite më parë)
(7 vite më parë)Deputeti i Kuvendit të Kosovës, Lumir Abdixhiku, ka thënë se 7 deputetë të pushtetit i kanë punësuar familjarët e tyre në Telekom. “Çka pritët prej tyre? Janë të pangopur, të mbrapshtë dhe të rrezikshëm. 7 deputetë të pushtetit i kanë punësuar familjarët e tyre në Telekom. Thonë se janë më të zotit; s’ka si ta […]
Deputeti i Kuvendit të Kosovës, Lumir Abdixhiku, ka thënë se 7 deputetë të pushtetit i kanë punësuar familjarët e tyre në Telekom.
“Çka pritët prej tyre? Janë të pangopur, të mbrapshtë dhe të rrezikshëm. 7 deputetë të pushtetit i kanë punësuar familjarët e tyre në Telekom. Thonë se janë më të zotit; s’ka si ta në Kosovë. Njëri madje tha se po i bënte nder Kosovës. Në Parlament, të njëjtit ndërsa, na mbajnë ligjërime moralizuese e vajtuese mbi devalvimin e PTK-së. Pyesin pse po falimenton?”, ka shkruar Abdixhiku në rrjetin social Facebook.
Ai ka thënë se 234 familjarë e militantë partiak janë punësuar në Telekomin e Kosovës vetëm gjatë kësaj qeverisje.
“234 familjarë e militantë partiak janë punësuar në Telekomin e Kosovës vetëm gjatë kësaj qeverisje. Proporcionalisht kanë punësuar më shumë se Telekomi Gjerman. Është hera e dytë që ia kalojmë Gjermanisë. E para kishte të bënte me numrin e ministrive në Qeveri” .
“Këta pasurinë e Kosovës e shohin si plaçkë. Si pronë të tyre, si shpërblim. Për vetëm 1 vit e gjysmë qeverisje, kanë kapur me pangopësi secilën mundësi. Nga gjysmë milion eurot e pavarësisë, tek 53 milionë eurot e Bechtelit. Nga rritja e pagave për vete tek vërshimet punësuese nëpër asete. Por, “me rëndësi taksa”. Me të jemi 100% shtet”, ka thënë Abdixhiku.
