8 orë më parëVjen reagimi i OSBE’së pas përfshirjes së RTK’së në Ligjin për Paga
Periskopi(7 vite më parë)
(7 vite më parë)Misioni i OSBE-së në Kosovë shpreh shqetësimin rreth përfshirjes së punonjësve të Radio Televizionit të Kosovës (RTK) në Ligjin për Pagat e Sektorit Publik, të miratuar më 2 shkurt. Në reagimin e OSBE’së thuhet se RTK është një transmetues publik i pavarur, me dispozita kushtetuese dhe ligjore që mbrojnë pavarësinë editoriale dhe financiare. “Përfshirja e […]
Në reagimin e OSBE’së thuhet se RTK është një transmetues publik i pavarur, me dispozita kushtetuese dhe ligjore që mbrojnë pavarësinë editoriale dhe financiare.
“Përfshirja e RTK-së në Ligjin për Pagat e Sektorit Publik dëmton pavarësinë e RTK-së dhe statusin e transmetuesit publik”, thuhet në reagimin e tyre.
Po ashtu, bën thirrje lidhur me respektimin e standardeve relevante ndërkombëtare për transmetuesit e shërbimit publik, të cilat janë të sanksionuara në Kushtetutën e Kosovës dhe kuadrin ligjor.
Prandaj, Misioni i OSBE-së u kërkon ligjvënësve të Kosovës që të marrin në konsideratë ndryshimin e Ligjit për Pagat e Sektorit Publik në përputhje me rrethanat dhe t’i adresojnë çështjet në lidhje me RTK-në përmes ligjit të vet të veçantë, siç është bërë deri tani./rtklive/
