4 orë më parëSuspendohet nga puna mjeku që i tha pacientes: Punë e madhe që ke dhimbje, mos më shurdho shumë!
Periskopi(7 vite më parë)
(7 vite më parë)Ministri i Shëndetësisë, Uran Ismajli, ka bërë të ditur se mjeku nga Prizreni i cili u filmua duke fyer pacienten e tij, është suspenduar nga puna Pas reagimit të ministrit Ismaili, ku kërkoi që këto sjellje të mos tolerohen, ka reaguar edhe SHSKUK’ja dhe Spitali i Prizrenit, duke e suspenduar menjëhere mjekun për veprimet e […]
Pas reagimit të ministrit Ismaili, ku kërkoi që këto sjellje të mos tolerohen, ka reaguar edhe SHSKUK’ja dhe Spitali i Prizrenit, duke e suspenduar menjëhere mjekun për veprimet e tij.
Ismaili ka thënë se ky vendim, duhet të jetë mësim për të gjithë ata që abuzojnë me pozitat dhe besimin e dhëmë.
Ky është postimi i plotë i Ismailit:
“Sapo u njoftova që kirurgu në Prizren është suspenduar nga menaxhmenti i Spitalit të Prizrenit. Ky reagim duhet të jetë mësim për të gjithë ata që abuzojnë me pozitat dhe besimin e dhënë. Do të vazhdojmë të investojmë në sistemin shëndetësor dhe në të gjithë punëtorët shëndetësorë me integritet dhe etikë të lartë. Por, nuk do të kemi tolerancë ndaj abuzimeve,”.
Ndryshe, ngjarjen që ndodhi në Spitalin e Prizreni, e treguan familjarët e pacientës.
Përderisa pacientja po rënkonte nga dhimbjet e mëdha, sipas familjarëve britma e saj ishte pengesë për doktor Ymerin.
Gjersa pacientja dëgjohet duke qajtur nga dhimbjet, në audion e siguruar dëgjohet doktori duke ofenduar me fjalë të ndryshme, ndërsa në një moment e quan atë edhe idiote.
“Punë e madhe që ke dhimbje , mos më shurdho shumë, mos u bë idiote, shuj. Ik aty majmun, se po ta dho një shuplakë. Stë vjen marre , shuj, mbylle gojën, mbylle”, ishin vetëm disa prej fjalëve që doktori i tha pacientes.
