5 orë më parëReagon EBU, përfshirja e RTK-së në Ligjin për Paga kundër Kushtetutës
Periskopi(7 vite më parë)
(7 vite më parë)EBU kërkon që autoritetet kosovare të miratojnë Ligjin për RTK-në. EBU është e shqetësuar se pavarësia institucionale dhe editoriale e transmetuesit publik të Kosovës, RTK, do të minohej, në rast se Ligji për Pagat në Sektorin Publik, i miratuar më 2 shkurt, do të dekretohej nga Presidenti. “Besojmë se përfshirja e punëtorëve të RTK-së në […]
“Besojmë se përfshirja e punëtorëve të RTK-së në ligjin e sapo-miratuar për Pagat në Sektorin Publik, përbën konflikt me Ligjin aktual për RTK-në dhe Kushtëtutën e vendit, të cilat promovojnë pavarësinë institucionale dhe editoriale të shërbimit të transmetuesit publik,” thuhet në komunikatën e Unionit të Transmetuesve Europianë me seli në Gjenevë të Zvicrës.
Në bazë të Ligjit aktual për RTK-në, transmetuesi është i lirë të zgjedh/gjurmoj burimet e tij njerëzore si pjesë e autonomisë institucionale në një mënyrë të hapur, transparente dhe garuese.
“RTK është një institucion i rëndësishëm demokratik, i cili ka për mision të shërbejë të gjitha segmentet e shoqërisë dhe shi për këtë sigurimi i pavarësisë së tij editoriale në linjë me standardet europiane, posaçërisht me Rekomandimet e Këshillit të Europës 96 (10) mbi pavarësinë dhe 2012 (1) mbi qeverisjen e transmetuesit publik, është i një rëndësie të posaçme,” thuhet më tej në deklaratën e EBU-së.
Gjithashtu u bëjmë thirrje autoriteteve në Kosovë, që të miratojnë ligjin e ri mbi RTK-në, gjë që do të sigurojë një financim stabil, të pavarur dhe të parashikueshëm për transmetuesin si dhe do të sigurojë mbrojtje të mjaftueshme të autonomisë institucionale dhe asaj editorial, përfshirë edhe autonominë mbi politikat e burimeve njerëzore.
“Shërbimi i pavarur dhe i fuqishëm i një medie publike, është një parakusht I rëndësishëm për vendet që aspirojnë t’I bashkohen Bashkimit Europian,” thekson EBU.
