Petrit Selimi shfrytëzon donacionet e Amerikës për Kosovën për t’i bërë reklamë Thaçit

Korporata e Sfidës së Mijëvjeçarit, është ‘zënë’ duke reklamuar faqen e saj zyrtare në Facebook me një fotografi të Presidentit Hashim Thaçi në ‘cover’.

Sfida e Mijëvjeçarit, është një program amerikan i miratuar për Kosovën, që ia sjell vendit afro 50 milionë dollarë. Pozitën e drejtorit në këtë projekt, e mban Petrit Selimi, një nga njerëzit më të afërt të Presidentit Thaçit.

Ekonomiasot shkruan se ‘me këtë i është bërë një reklamë Presidentit’ duke qenë se ditë më parë, Selimi kishte ngatërruar llogarinë e tij në Tëitter me atë të Thaçit, duke shkruar një cicërimë në emër të tij.

Ndryshe, programi i Korporatës së Sfidës së Mijëvjeçarit, i dedikuar nga SHBA për Kosovën, përqëndrohet në fy fusha: mungesën e energjisë elektrike dhe sundimin e ligjit.