6 orë më parëPërsëri shtyhet seanca ndaj të akuzuarit për terrorizëm
Periskopi(7 vite më parë)
(7 vite më parë)Në Gjykatën Themelore sot ishte paraparë të mbahet seanca ndaj Fehmi Musës, i akuzuar për veprën penale që lidhet me terrorizëm në rastin “Badovci”, por në mungesë të prokurores u shty seanca. Për të dytën herë shtyhet gjykimi ndaj Musës, për arsye se mungon prokurorja Drita Hajdari. Kryetarja e trupit gjykues, Valbona Selimaj tha se […]
Në Gjykatën Themelore sot ishte paraparë të mbahet seanca ndaj Fehmi Musës, i akuzuar për veprën penale që lidhet me terrorizëm në rastin “Badovci”, por në mungesë të prokurores u shty seanca.
Për të dytën herë shtyhet gjykimi ndaj Musës, për arsye se mungon prokurorja Drita Hajdari.
Kryetarja e trupit gjykues, Valbona Selimaj tha se prokurorja na ka lajmëruar se gjendet në një trajnim.
Seanca e radhës pritet të mbahet më 22 shkurt.
Gjykata Supreme për herë të dytë e ka kthyer në rigjykim rastin e njohur si “Badovci”, por për dallim prej herës së parë, këtë herë Supremja ka vendosur vetëm për njërin nga të akuzuarit.
Fehmi Musa ishte dënuar me 3 vjet burg nga Gjykata Themelore dhe më pas i ishte vërtetuar ky dënim nga Gjykata e Apelit, mirëpo Supremja e ka kthyer çështjen në rigjykim.
Musa ishte dënuar për veprën penale të ndihmës në shtytje në kryerjen e veprave terroriste.
Tre të akuzuarit tjerë Milazim Haxhiaj, Gazmend Haliti dhe Enis Latifi në korrik të vitit të kaluar u dënuan me nga 3 vjet e gjysmë burg, ndërsa Besnik Latifi u dënua me 4 vjet e 6 muaj burg.
