6 orë më parëKëto janë shtetet që hanë më së shumti mish, ai mbetet luks për të varfrit
Periskopi(7 vite më parë)
(7 vite më parë)Mund të keni dëgjuar së fundmi që është rritur numri i njerëzve që kanë reduktuar ngrënien e mishit, ose disa që e kanë ndërprerë plotësisht. Arsyet janë të ndryshme: për të qenë më të shëndetshëm, për të pakësuar dëmin në mjedis ose për të mbrojtur kafshët – raporton Periskopi. Një e treta e britanikëve thonë […]
Një e treta e britanikëve thonë se e kanë pakësuar ose ndërprerë ngrënien e mishit, kurse dy e treta e amerikanëve kanë deklaruar se po hanë më pak mish ose së paku një lloj të mishit, shkruan Hannah Ritchie për BBC.
Por pavarësisht kësaj, konsumimi i mishit është rritur shumë gjatë 50 viteve të fundit.
Prodhimi i mishit sot është pesë herë më i lartë se në fillim të vitit 1960, nga 70 milion ton sa ishte, në vitin 2017 arriti mbi 330 milion ton, transmeton Periskopi.
Rritja e konsumit dhe prodhimit të mishit ka ardhur si rezultat i rritjes së numrit të popullsisë në botë.
Gjatë këtyre viteve, popullsia është mëse e dyfishuar.
Në fillim të vitit 1960 kishte rreth tre miliardë njerëz, kurse tani janë më shumë se 7.6 miliardë.
Arsye tjetër e rritjes së konsumit të mishit, është rritja e të ardhurave.
Njerëzit nëpër botë janë bërë më të pasur, me të ardhura mesatare trefish më të mëdha se sa gjysmë shekullin e kaluar.
Nëse e krahasojmë konsumimin e mishit nëpër vende të ndryshme, e shohim se janë pikërisht të pasurit ata që hanë më së shumti mish.
Niveli i lartë i konsumimit të mishit është vërejtur në Perëndim, ku shumica e shteteve të Evropës Perëndimore konsumojnë 80-90 kilogram mish për person. Nga ana tjetër, shumica e shteteve të varfra hanë më pak mish.
Në Etiopi, mesatarja e konsumimit të mishit për person është shtatë kilogramë, në Ruanda tetë kg kurse në Nigeri dhjetë kg, që i bie se është dhjetë herë më e vogël se në Evropë.
Kjo tregon se për njerëzit që jetojnë në shtetet me të ardhura të vogla, mishi ende mbetet një luks i madh, shkruan BBC.
Pra, nuk është rritur vetëm numri i popullsisë, është rritur edhe numri i personave të pasur që mund ta përballojnë blerjen dhe konsumimin e mishit.
Ndërkaq, në Kosovë mishi konsumohet në masë të madhe, bazuar në numrin e madh të lokaleve ‘fast food’, dhe numrin e vogël të restauranteve vegane ose vegjetariane, kurse çmimet varen nga lloji i restaurantit dhe dallojnë nga qyteti në qytet.
Kur jemi te konsumi i mishit në Kosovë, rikujtojmë se kohët e fundit nëpër media është raportuar për plot skandale lidhur me produktet e mishit. Policia ka konfiskuar mijëra kilogramë të mishit të prishur dhe mishit me prejardhje të dyshimtë që ishin destinuar pikërisht për tryezat e njerëzve. /Periskopi/
