6 orë më parëHaradinajn nuk e lëkundin presionet për taksën
Periskopi(7 vite më parë)
(7 vite më parë)Presionet ndërkombëtare për heqjen e taksës 100 për qind ndaj mallrave nga Serbia dhe Bosnjë e Hercegovina nuk e kanë zmbrapsur Qeverinë e Kosovës për këtë çështje. Avni Arifi, këshilltar i kryeministrit Ramush Haradinaj, ka thënë për “Zërin” se nuk ka asnjë indikacion ose bazë tjetër që tregon se ka ndryshim në Qeveri sa i […]
Avni Arifi, këshilltar i kryeministrit Ramush Haradinaj, ka thënë për “Zërin” se nuk ka asnjë indikacion ose bazë tjetër që tregon se ka ndryshim në Qeveri sa i përket taksës
Taksa 100% e vendosur ndaj produkteve që vijnë nga Serbia dhe Bosnjë e Hercegovina ka bërë që liderët shtetërorë të kenë qëndrime diametralikisht të kundërta për këtë çështje.
Kryeparlamentari Kadri Veseli në javën që lamë pas ua ka dorëzuar liderëve të koalicionit qeverisës propozimin e tij me shkrim për pezullimin e taksës për 120 ditë, në mënyrë që të ruhen interesat e Kosovës dhe partneriteti me Shtetet e Bashkuara të Amerikës. Mirëpo për dallim nga Veseli, kryeministri Ramush Haradinaj vazhdon të jetë i palëkundur për mosheqje të taksës.
Lidhur me këtë shefi i kabinetit të kryeministrit, Avni Arifi, për “Zërin” ka theksuar se nuk ka asnjë indikacion që dërgon në heqje të taksës. “Ne e kemi një qëndrim të Qeverisë, unë si shef i stafit të kryeministrit nuk e kam asnjë indikacion ose bazë tjetër që tregon se ka ndonjë ndryshim në Qeveri sa i përket taksës”, ka thënë ai.
