3 orë më parëHaki Rugova mbetet kryetar i Istogut, Kushtetuesja hodhi poshtë ankesën e Gani Dreshajt
Periskopi(7 vite më parë)
(7 vite më parë)Gjykata Kushtetuese ka hedhur poshtë ankesën për parregullsi në zgjedhjet lokale në Istog, e cila ishte bërë nga ish-kandidati i AAK-së për kryetar të kësaj komune, Gani Dreshaj. Në një komunikatë për media Gjykata Kushtetuese bën të ditur se ankesa e Dreshajt është vlerësuar si e pabazuar. “Gjykata konstaton se vendimet e kontestuara të PZAP-it […]
Gjykata Kushtetuese ka hedhur poshtë ankesën për parregullsi në zgjedhjet lokale në Istog, e cila ishte bërë nga ish-kandidati i AAK-së për kryetar të kësaj komune, Gani Dreshaj.
Në një komunikatë për media Gjykata Kushtetuese bën të ditur se ankesa e Dreshajt është vlerësuar si e pabazuar.
“Gjykata konstaton se vendimet e kontestuara të PZAP-it dhe Gjykatës Supreme janë në pajtim dhe të përcaktuara me ligj, të arsyetuara dhe se të njëjtat nuk janë arbitrare ose qartazi të paarsyeshme. Është çështje tjetër nëse dispozita e lartcekur ligjore është në pajtim me Kushtetutën ose jo. Për këtë çështje, gjykata që në fillim deklaroi se korniza ligjore e cila rregullon të drejtën zgjedhore në Republikën e Kosovës nuk është objekt i shqyrtimit në këtë rast”, thuhet në njoftimin e kësaj gjykate.
Ndryshe, kundërkandidat i Dreshajt në zgjedhjet lokale ishte Haki Rugova nga radhët e LDK-së, i cili pas vendimit të Kushtetueses, do të vazhdojë ta mbajë këtë post./Persikopi
