5 orë më parëRrezik nga dy ortekë të tjerë, Brezovica e mbyllur dhe këtë vikend
Periskopi(7 vite më parë)
(7 vite më parë)Rreziku nga ortekët e mundshme ka bërë që Agjencia për Mbrojtjen e Mjedisit të Kosovës të mbajë të mbyllur për turist dhe këtë vikend Qendrën e Brezovicës. Agjencia për Mbrojtjen e Mjedisit njofton se nesër është planifikuar që FSK të bëjë rrëshqitjen dhe largimin dhe eliminimin e dy ortekëve potenciale. Sipas Agjencisë, pas një takimi […]
Agjencia për Mbrojtjen e Mjedisit njofton se nesër është planifikuar që FSK të bëjë rrëshqitjen dhe largimin dhe eliminimin e dy ortekëve potenciale.
Sipas Agjencisë, pas një takimi me përfaqësuesit e KFOR-it dhe FSK-së për gjendjen aktuale në Brezovicë kanë dalur me një konkludim se 5 nga 7 pikat kritike për ortekët nuk paraqesin rrezik për vizitorë. Ndërsa, dy prej tyre, siç thuhet në njoftim janë me rrezikshmëri të mesme.
Javën e kaluar pikërisht në Brezovicë ka humbur jetën nga një ortek zëvendësministri, Arian Daci. Më poshtë e gjeni të plotë njoftimin e AMMK-së: Agjencia për Mbrojtjen e Mjedisit të Kosovës njofton se sot Qendra e Situatave ka mbajtur takimi me përfaqësuesit e KFOR-it dhe FSK-së ku janë analizuar rezultatet e studimit të bërë dje në Qendrën e Brezovicë dhe gjendja aktuale në këtë qendrën pas ortekut që ndodhi javën e kaluar.
Si rezultat i diskutimit dhe analizës nga takimi ka dalë konkludimi se nga 7 pika kritike për ortiqe të mundshme, 5 prej tyre nuk paraqesin më rrezik për vizitorët dhe shfrytëzuesit e qendrës.
Dy nga këto pika ende janë me rrezikshmëri të mesme. Nesër është planifikuar që FSK të bëjë rrëshqitjen dhe largimin e borës nga këto pika dhe eliminim e ortiqeve potenciale. Prandaj për këtë qëllim Qendra e Brezovicës do të mbetet e mbyllur edhe gjatë vikendit.
AMMK do të ju mbajë të informuar për zhvillimet tjera që ndërlidhen me Qendrën e Skijimit në Brezovicë.
