A ka kaluar Labinot Tahiri në AAK? Ahmet Isufi flet për Periskopin

Këtë për Periskopin e ka konfirmuar shefi i Grupit Parlamentar të kësaj partie, Ahmeti Isufi.

“Po mund të konfirmojë se Labinot Tahiri i është bashkuar grupit tonë parlamentar në Kuvend”, ka thënë Isufi për Periskopin.

I pyetur se si është e mundur që ai t’i bashkohet grupit parlamentar të AAK’së, e të vazhdojë të jetë pjesë e AKR’së, Isufi ka thënë:

“Ne e kemi ofruar deputetin Tahiri në grupin tonë dhe jemi në rregull me këtë”, ka thënë Isufi për Periskopin.

Periskopi ka kontaktuar edhe deputetin Labinot Tahiri, por kontakti me të ka qenë i pamundur.

Ndryshe, gjatë ditës së djeshme Tahiri ka zhvilluar një takim me kryeministrin Ramush Haradinaj në zyrën e tij në Qeveri.