Zafir Berisha flet pas ftesës nga Specialja, ofendon rëndë drejtësinë ndërkombëtare

Ai ka bërë një status shumë të ashpër ndaj drejtësisë ndërkombëtare në përgjithësi dhe të gjithë “eksponentëve” të cilët kanë sulmuar vlerat e UÇK-së (sic).

“As padrejtësitë e radhës nuk do ta zbehin luftën dhe përpjekjet e UÇK-së për liri.” – fillon z.Berisha, përcjell Periskopi.

Më tej, ai ka shtuar se “tendenca për ta krahasuar luftën çlirimtare të UÇK-së me luftën gjenocidale të Serbisë nga kjo gjykatë, e cila është produkt e një “raporti” me të dhëna nga Serbia dhe mbetjet e tyre në Kosovë, është ofendim për mijëra qytetarë të vrarë nga aparati shtetëror i Serbisë”.

Më poshtë e keni të plotë dhe të paredaktuar statusin e z.Berisha:  

As padrejtësit e radhës nuk do ta zbehin luftën dhe përpjekjen e UÇK-së për liri.

Ftesa nga Gj.Speciale në Hag po shpresoi se është përpjekja e fundit për ta njollosur luftën dhe sakrificën shekullore të shqiptarëve për liri në trojet e veta.

Tendenca për ta krahasuar luftën çlirimtare të UÇK-së me luftën gjenocidale të Serbis nga kjo gjykat e cila është produkt i një “raporti” me të dhëna nga Serbia dhe mbetjet e tyre në Kosovë, është ofendim për mijra qytetarë të vrarë nga aparati shtetror i Serbis.

(Më në fund, dikush po i korrën “frutet” e luftës speciale 20 vjeqare kundër vlerave të UÇK-së dhe ekspenentëve të saj)!

Për dy dekada është heshtur, përballë një fushate të orkestruar kundër luftës, luftëtarëve (UÇK-së) dhe veprimtarëve të çështjes kombëtare!

Zafa