Vulin pas deklaratës së BE-së për Reçakun: Shqiptarët nuk kanë besë

E kjo deklaratë e BE-së nuk u ka pëlqyer zyrtarëve shtetërorë serbë.

Ministri serb i Mbrojtjes, Aleksandar Vulin i ka bërë thirrje BE-së që të përmbahet nga, siç tha ai, “deklaratat nxitëse e ndezëse” rreth masakrës së Reçakut.

“Si një organizatë që nuk është kompetente për të dhënë gjykime juridike dhe konkluzione historike, BE-ja do të ndihmonte shumë pajtimin dhe paqen në rajon nëse autoritetet dhe zyrtarët e saj do të përmbaheshin nga shpërndarja në publik e pikëpamjeve që mund të jenë nxitëse”, tha Vulin.

Kjo deklaratë erdhi pas reagimit të BE-së në lidhje me mohimin e masakrës së Reçakut nga ana e zyrtarëve shtetërorë serbë.

Ai thotë se “autoritetet e BE-së do të duhej të punonin në atë që e kaluara të vlerësohet në mënyrë të drejtë dhe të tillë çfarë është, duke respektuar viktimat”.

Tutje, Vullini tha se, me dialogun e zhvilluar me presidentin e Serbisë, Alleksandar Vuçiq, “shiptarët” janë larguar nga pavarësia.

“Shiptarët e dinë se dialogu me Vuçiqin i ka larguar ata nga pavarësia aq sa i kishte afruar dialogu me Jeremiqin. Për atë, kërkesa e tyre e vetme është që serbët t’i prezantojë dikush që nuk do të përfaqësojë Serbinë, por veten e saj”, tha ai pas deklaratës së Albin Kurtit se nuk e do Vuçiqin në tavolinën e negociatave.

Ai tha se “askujt s’i intereson se çfarë dëshirojnë shiptarët.

“Vuçiqi është i vetmi që mund të flasë jo vetëm në emër të Serbisë, por në emër të të gjithë serbëve dhe këtë e di edhe Kurti, për atë ik nga ai. Nuk është me rëndësi çfarë duan shiptarët, askujt s’i intereson kjo, por na intereson se a do ta mbajë Bashkimi Evropian fjalën e tij dhe të zbatojë sa më parë marrëveshjen e Brukselit për çka ka garantuar, e më pas të heqë taksën ndaj mallrave të Serbisë qendrore e të BeH-së. Shiptarët nuk kanë besë, por a ka BE-ja”, tha ministri serb i Mbrojtjes, Aleksandar Vulin.